Karungut Dohob Havoi Arob - Indra Tambun

Salam tabek tahtou motong hulah bolum
Uhtus koturun lihit uu danum
Sorawai momaluh pander tonorocun
Ngarungut ngandan tutang ngahtang tarung

Ihtok was bojoin ngavat ulun bohkon
Jadi kopalak kuhung tutang okon
Mirak nai poh ondo ketok ahkan duon
Ngindoi eyam ihtok humak hicok hupon

Yarok ondo ihtok kan jadik kopalak
Ne nulo hotuhui ne nulo hokosalak
Mahpah isung naing a jok kesah tarung
Ne sinok itu ulun tok yam nyolung

Nak sinok sinok ihtok hupon hicok
Ngopilik heri jambri jok ulun ihtok
Koturun soravai momaluh arok
Ngahtang tarung ahkan tok isung hajok

Mirak nai ngopilik jok havoi arop
Soravai momaluh paring hokorohop
Kolo salut danum eyam taai pahtot
Ngopilik heri jambri ahkai tuot

Eyam kak holovik kolo ulun bohkon
Jadi kopalak nguhung tutang okon
Honong tohtah kucem kurem tutang pindong
Bolum malak jorak jahak borohon

Nak arok asik bobuhan paharik
Nohtok heri kampanye hondo ngolomik
Non nai kasalak ahkan kain kemik
Sapai ihkam honong yam kanik ngopilik

Yam arok tok nohtok calon jok bohkon
Nyalan nanjung bohumbak umbak paring ohon
Inon nai kotahpash kokurang kaiu
Jok nguan ihtok ngopilik ulun bohkon

Ne ngopilik ulun bohkon
Eyam ahkan papak tok tahto buhurui borohon
Nihak kak ngopilik havoi arob morong
Eyam ahkan morosh ngonyongon

Credit:
Judul : Dohob Havoi Arob
Voc : Indra Tambun
Lirik : Indra Tambun / Sutar
Arr : Sutar
© A Star Man Production House (A Star Man PH)